Катриона Греј од Филипини беше избрана за Мис Универзум на синоќешниот 67. натпревар за убавина одржан во тајландскиот главен град Бангкок. Круната на Греј и беше предадена од ланската мис, Деми Петерс од Јужна Африка.
Второто и третото место го освоија убавиците од Венецуела и Јужноафриканската Република.
24-годишната убавица носеше црвен фустан за кој објасни дека е инспириран од вулканот на Филипините.
„Кога имав 13 години, мајка ми сонуваше дека ќе ја освојам титулата Мис Универзум облечена во црвен фустан. Кога ја видов по прогласувањето, и двете плачевме“, изјави Греј.
Инаку, Греј е четврта убавица од Филипини која ја освојува оваа титула, по победите во 2015, 1973 и 1969 година. Татко ѝ е од Австралија, а Греј има студирано музика на Беркли, во Бостон.
Miss Universe 2018 is… PHILIPPINES! pic.twitter.com/r2BkN8JpXh
— Miss Universe (@MissUniverse) December 17, 2018