Кристал Харис, вдовицата на основачот на „Плејбој“, Хју Хефнер, повторно стапи во брак. Поранешната „Плејмејт“ се омажи за хавајскиот бизнисмен Џејмс Ворд, но предизвика контроверзии тврдејќи дека никогаш вистински не го сакала својот ултрабогат прв сопруг.
Девет години по смртта на Хефнер, таа вели дека конечно го пронашла мажот од своите соништа, пишува „Пипл“.
Кристал, која имаше само 24 години кога се омажи за Хефнер, кој беше 60 години постар од неа, се омажи за 42-годишниот хавајски бизнисмен Џејмс Ворд на 2 април. Двојката се венча на приватна церемонија на Куковите Острови без гости.
Кристал, која беше во брак со Хефнер од 2012 година до неговата смрт во 2017 година, рекла дека сака церемонијата да биде што е можно поромантична и поинтимна.
– Не сакавме голема прослава. Сакавме нешто тивко и лично, каде што навистина би можеле да се фокусираме еден на друг и на моментот – рекла таа.
Зборувајќи за списанието „Пипл“ за нивниот посебен ден, таа додаде: „Ги избравме Куковите Острови поради нивната оддалеченост; нема големи хотелски синџири, што ги прави неверојатно мирни и автентични. Бидејќи Џејмс и јас ги сакаме океанот и природата, ми се чинеше како совршено место да го започнеме ова поглавје од нашите животи.“
Младенците, кои ги запознале заеднички пријатели, се отворено вљубени, а Кристал е полна со пофалби за својот нов сопруг.
– Со Џејмс, моите чувства се ценети и почитувани – рекла таа.
Таа призна дека „никогаш не била заљубена“ во Хју.
– Никогаш не бев заљубена во Хеф, но го сакав тој старец онака како што треба да се сакаат стари лица. Онака како што треба да се сака некој што се ближи кон крајот на еден долг и комплициран живот – рекла таа.
Во своите мемоари „Само кажувај добри работи: Преживувајќи го ‘Плејбој’ и наоѓајќи се себеси“, таа напиша: „Животот во вилата не беше бајката на која некогаш се надевав. Однадвор, се разбира, ги имаше сите карактеристики на бајка. Но, не беше, и сите што живееја таму го знаеја тоа.“
Кристал не беше вклучена во тестаментот на Хефнер, но бидејќи беа во брак во времето на неговата смрт, таа имаше право на значителна исплата. Тој ѝ остави и имот во Холивуд хилс во фонд, кој Кристал подоцна го продаде. Остатокот од неговото огромно богатство беше поделен меѓу неговите четири деца, универзитетот и разни добротворни организации.
Таа, исто така, опиша во своите мемоари како Хефнер не успеал да ја импресионира во спалната соба. Кога првпат завршиле во кревет, ноќта кога се сретнале на забава за Ноќта на вештерките, Кристал откри во својата книга дека искуството било „чудно и роботско“.