Босанскиот глумец Драган Јовичиќ почина од коронавирус

Босанскиот глумец Драган Јовичиќ (67) почина во болница во Сараево, каде се лечеше од здравствени компликации предизвикани од коронавирусот, пренесуваат босанските медиуми.

Оваа вест ја потврди и раководството на Камерниот театар 55, чиј долгогодишен член беше и првакот во драмата.

Драган Јовичиќ е роден во Рогатица на 22 ноември 1953 година и беше босански актер во филм и театар. Студиите за глума ги завршил во 1976 година на Катедрата за сценски уметности на Филозофскиот факултет во Сараево.

Добитник е на бројни актерски признанија и награди, вклучувајќи ја и „Наградата на шести април“ на градот Сараево за придонес во уметноста на театарот.