Два авиони од Втората светска војна се судрија за време на аеромитинг во американската сојузна држава Тексас, при што загинаа две лица.
Авионите, од кои еден е Боинг Б-17, таканаречената „летечка тврдина“, учествуваа на митингот во близина на Далас што се одржа во спомен на Втората светска војна.
На снимката која ја објавија медиумите се гледа судир на два летала на мала височина, а еден авион од силината на ударот се преполовил.
Не се знае точно колку луѓе имало во двата авиони.
Здружението на сојузничките пилоти објави дека меѓу загинатите се и двајца поранешни членови на здружението, Тери Баркер и Лен Рут, додека медиумите објавија дека во несреќата загинале дури шест лица.
Федералната управа за авијација соопшти дека ќе започне истрага за несреќата, која се случи за време на тридневниот собир посветен на сеќавањето на ветераните и жртвите од Втората светска војна.
Градоначалникот на Далас, Ерик Џонсон изјави дека ова е страшна трагедија, пренесува Би-би-си.
B-17 bomber collides with light aircraft at US airshow
The incident happened during the "Wings Over Dallas" event. Airplanes of the Second World War collided in the air, none of the crews survived. pic.twitter.com/16GL5y2MeG
— NEXTA (@nexta_tv) November 12, 2022
Another angle, on purpose? pic.twitter.com/nnni8Bbvvt
— Israel75 (@IFNY2775) November 12, 2022