Поранешната сопруга на холивудскиот бодибилдер, актер и поранешен гувернер Арнолд Шварценегер, новинарката Марија Шрајвер, била фотографирана во речиси непрепознатливо издание на улиците на Лос Анџелес, а во таа прилика го покажала лицето без шминка на кое се очигледни трагите од естетските корекции и зафати.
60-годишната Шрајвер долго време не се појавуваше во јавноста, а нејзините најнови папарацо фотографии предизвикаа лавина реакции и коментари на социјалните мрежи, во главно од корисници кои се шокирани од нејзиниот изглед.
„Што направила на своето лице? Страшно“, „Некој треба да ги фотошопира овие фотографии“, се дел од коментарите на Твитер.
Марија е инаку позната и како внука на американскиот претседател Џон Ф. Кенеди, а дополнително се прослави кога стапи во брак со Арнолд во 1986 година. Парот доби 4 деца во текот на бракот кој се распадна по дури 25 години, кога медиумите открија дека Шварценегер има дете со друга жена.
