Премиерката на Финска, Сана Марин (36) повторно се најде на удар на критики поради забавување. На интернет се појави видео на кое се гледа како таа се забавува и танцува со пријателите, што налути многу граѓани бидејќи сметаат дека таа повеќе време поминува на забава наместо да ја води државата.
Финските медиуми пренесуваат дека Марин на видеото била во друштво на неколку јавни личности.
Таа беше придружувана од уметникот Алма и нејзината сестра Ана, инфлуенсерката Јанита Аутио, водителката Тини Викстром, радио водителката Каролина Туоминен, стилистката Веса Силвер и пратеникот Илмаријр Нурминен.
Finland’s Prime Minister @MarinSanna is in the headlines after a video of her partying was leaked today.
She has previously been criticized for attending too many music festivals & spending too much on partying instead of ruling.
The critics say it’s not fitting for a PM. pic.twitter.com/FbOhdTeEGw
— Visegrád 24 (@visegrad24) August 17, 2022
Финскиот спортски водител Алекси Валавуори беше особено изнервиран, кој рече дека Марин е најлошиот премиер што некогаш го имале.
– Ова е премиерката на Финска, Сана Марин. Некои велат дека е кул… Можеби за тинејџери. Но, да се биде одговорен лидер на државата среде криза? Таа е најнеспособниот премиер што сме го имале. Таа не знае ништо. Те молам облечи ја кожната јакна и поднеси оставка. Благодарам – порача тој на Твитер.
Инаку, Марин беше во центарот на контроверзите минатата зима кога беше откриено дека се забавувала среде пандемијата, кога важеа препораките да се остане дома поради коронавирусот. По силната реакција на јавноста таа му се извини на народот.
Премиерката е позната по тоа што сака да посетува бројни фестивали, но често ја критикуваат поради тоа.