Адријана Алачки на оригинален начин му го честиташе роденденот на својот син Благоја. Алачки, која освен што е пејачка е и водител на емисијата „Вкусот на традицијата“, во една прилика изјави дека синот е тој кој ќе ја замени во кујната.
„ Синко, кога беше мал едноставно беше да ги искажам желбите за тебе и да ги остварам. Но, на возраста на која си сега, желбите од мајката се непроменливи, но сѐ е во твоите раце за нивната реализација. Одговорно и храбро пред себе, само ти можеш да ги исполниш и да стоиш цврсто пред твоите планови и одлуки. Сѐ зависи од тебе. Биди ми жив и здрав“ напиша Адријана како роденденска честитка за синот.
Адријана и нејзиниот поранешен сопруг, Горан Алачки се родители и на ќерката Грациела, и баба и дедо на Јана.