Новинарката Снежана Лупевска Созен вчера преко својот Фејсбук профил ја објави тажната вест дека нејзиниот татко починал.
„Велат таткото е првиот пријател што го среќаваш во животот и дека ќерките и татковците делат едно срце. Татковците се супер-херои, водичи во животот.
Мојот татко беше сето тоа и многу повеќе. Смирен, но и силен, тивок, но и решителен, за мене татко од најубавата сликовница, мојот Супермен. Со сето ова не сфаќав дека старее, дека еден ден може да не биде со нас, затоа што никогаш не се жалеше и сè можеше сам.
За жал, сега го напушти овој свет, но знам дека месечината не свети залудно толку силно вечерва. Од таму горе, од небото широко отворено за него и понатаму ќе ме следи и сака. Почивај во мир татко“, напиша Лупевска на Фејсбук.
