М-р Калиа Поповска
советник за депресија, анксиозност и проблеми во однесувањето
Web strana: https://www.kaliatherapylondon.com/
Instagram: kalia.therapylondon
Фокусот на себе не значи “Јас сум поважен од сите други.”
Може да се фокусирате на себеси без да бидете арогантни или егоцентрични, без да ги омаловажувате и изневерувате другите. Не дозволувајте идеата за “грижа за себеси” другите да ја извртат во “себичност.”
Да се сакаш себеси не е лесно. Тешко е да се откажете од желбата секогаш да им се допаднете на другите и да не се чувстувате како себична личност затоа што ви треба време за себе.
Полесно е да покажеме сочувство за другите отолку сочувство за себе. Сочувството за другите е поврзано со еволуцијата и социјалната благосостојба – нашите предци требало да бидат општествено прифатени во племето за да преживеат.
Самосочувството е асоцирано со поголема персонална благосостојба. Индивидуите со повисоко самосочувство се ментално поздрави и имаат помалку депресија што придонесува за подобри односи со другите и подобро општо здравје.
Кога ќе покажеме сочувство за себе ние си го нудиме истото сочувство како кон близок пријател. Тоа не вклучува критика, осудување туку прифаќање – да си кажете дека е во ред кога нема да успеете или ќе згрешите наместо да се “камшикувате” и обвинувате.
Недостаток на самосочувство се појавува поради надворешните фактори, групните вредности и норми. Внатрешни причини се:
– секогаш ги ставате другите на прво место
– минати трауми, искуства од детството
– не знаете како да практикувате самосочувство на здрав начин
– чувство дека не заслужувате самосочувство
Самосочувството значи љубезност кон себе, прифаќате дека не сте совршени и никој не е.
– топли сте кон себе, се разбирате и прифаќате кога ќе направите грешка или нема да успеете
– се фокусирате на она што е во ваша контрола наместо да се осудувате и критикувате
– не се лутите на светот, разбирате дека животот некогаш функционира “вака”
Самосочувството значи свесност наместо негативен само-разговор. Негативните емоции може брзо да нé завладеат и да се најдеме во нивната спирала. Можноста ментално да
ги “видиме” нашите мисли и да ги почувствуваме нашите емоции и да не се вклучиме во негативната спирала е дел од грижата за себе.
За да станеме посамосочувствителни треба едноставно да вежбаме. Животот е многу подобар кога кон себеси се однесуваме со нежност, со грижа и разбирање:
– охрабрете се
– вежбајте простување, простете си
– напишете си писмо
– медитирајте
– создадете дневна навика за благодарност
– станете свој најдобар пријател
Самосочувството овозможува да се однесуваме кон себе како што би се однесувале кон пријател.
И најважно, секој ден подарете си прегратка.