Елдина Јагањац (32) со босанско потекло решила да не ги кубе веѓите и да не ги отсранува мустаќите.
Оваа учителка која живее во Копенхаген размислувала зошто жените тоа би морале да го прават, а тоа е целосно препуштено на мажите како опција.
Таа го привлекла вниманието на себе со документирање на нејзината одлука на социјалните мрежи. Таа, исто така, им помогнала на другите да се чувствуваат посигурни и да бидат верни на себе, наместо да се трудат да им угодат на другите.
„Не би рекла дека тоа е нешто што се случи одеднаш, но станував сè пофрустрирана што морав да ги вадам влакната без причина. Гледам дека мажите излегуваат без да ги отстранат влакната, па зошто јас морам? Сфатив дека можам многу подобро да го искористам времето. Не сум против бричење, но ме нервира очекувањето дека секоја жена треба треба да го прави тоа постојано“, рекла Елдина за „Bright Side“.
„Многу жени ми пишаа и ми рекоа дека исто така чувствуваат притисок да ги отстранат своите влакна од телото, иако не го сакаат тоа. Но, чувствуваат притисок од општеството да го направат тоа или би биле малтретирани бидејќи имаат влакна на телото“, додала Елдина.
„Да бидеш верен на себе е многу важно и секогаш ќе постојат луѓе кои ќе те сакаат таков каков што си. Мојот совет би бил дека ако луѓето не те сакаат, секогаш можеш да најдеш нови пријатели. Секогаш можете да најдете друга група на луѓе кои ќе ве прифатат и ќе го ценат вашето мислење и чувства. И дали навистина сакаш да си сакан поради нешто што не си?“, рекла Елдина.