Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на пешачкиот премин пред мостот Гоце Делчев, по што починал на самото место.
Во несреќата беше прегазен пешак кој почина на лице место.
-Денес во 11,25 часот било пријавено дека на бул.“Гоце Делчев“ патничко моторно возило “бмв“ со кумановски регистарски ознаки удрило во пешак. Во несреќата пешакот починал на местото на настанот. Од страна на лекар од Итна медицинска помош констатирана била смрт. Во моментов се врши увид од увидна екипа од СВР Скопје, соопштија од МВР.
Во моментот, нема детали за прегазеното лице и за возачот.
Полицијата го обезбедува местото, а присутна е и екипа на Итната помош.
Повеќе информации околу несреќата се очекуваат во текот на денот.