Три нови фотографии од војвотката од Кембриџ, Кејт Мидлтон, беа објавени денеска по повод нејзиниот 40-ти роденден. Портретите направени од модниот фотограф Паоло Роверси ја покажуваат Кејт во различни фустани од дизајнерот Александар Меквин, пренесуваат британските медиуми.
Портретите ќе бидат изложени на три локации кои таа сама ги одбрала и имаат посебно значење за неа, а потоа ќе бидат сместени во постојаната колекција на Националната галерија на портрети.
Тие беа снимени во Kew Gardens во ноември и ќе бидат дел од проектот National Portrait Gallery, спонзориран од војвотката.
