Британката Кејти Ковел станала мајка за само десет минути, на место кое најмалку го очекувала.
Имено, таа била во 40-та недела од бременоста кога отишла на вообичаениот шопинг во продавница и не очекувала дека наместо со продукти ќе си оди дома со бебе.
– Беше февруари 2020 година и поминаа три дена од крајниот рок. Никогаш не сум се чувствувала толку непријатно – рекла Кети и додала дека имала очајна потреба да излезе и да се прошета.
Отишла во локалниот маркет и купувала продукти додека шетала меѓу полиците.
-Кога почувствував пецкање, не размислував на породување. Продолжив да одам. Но, тогаш одеднаш почувствував остра болка и паднав на подот. Контракциите беа силни и брзи. Врескав од агонија додека чистачката на супермаркет, Черис, трчаше кон мене да ми помогне.“
„Набрзо, персоналот од продавницата стави завеса околу мене за да ја заштити мојата приватност, а Черис беше покрај мене и повтори: „Можеш да го направиш тоа“ – вели Кети, а пренесува британски The Sun.
По 10 минути се породила и го добила момчето Себастијан. Таа била зачудена од тоа колку брзо и неочекувано се случило сè.
– И персоналот на медицинската брза помош бил зачуден кога само неколку моменти подоцна пристигнал и открил дека го пропуштиле целото породување. Ме однесоа во болница каде ме прегледаа мене и бебето и за среќа се` беше во ред. Вработените во продавницата беа неверојатни при породувањето, па дури ми испратија убава корпа полна со залихи за бебиња. Тоа беше прекрасен гест – изјавила мајката.
Најдобро од се, вели Кети, е што останала во контакт со Черис, чистачката која и` помогнала при породувањето. Таа побарала од жената да и` биде кума. Била со неа кога и` била најпотребна и брзо станале најдобри пријатели. Така Кејти ја замолила да му биде кума на малиот Себастијан.
– Черис беше почестена со таа улога и сега мојата спасителка од супермаркетот е голем дел од нашето семејство, како кума на Себастијан. Дури и првиот роденден на Себастијан го прославивме заедно во маркетот каде што е роден. И после толку време не ми се верува дека само отидов во продавница да земам некои основни работи и таму родив бебе – вели Кети.