Актерот Милош Биковиќ со денови беше во центарот на медиумското внимание по исповедта на неговата поранешна девојка Арина Волошина, која тврди дека таа немала свој живот поради него, но и тоа дека тој не покажал никаква човечност во нивната врска .
По неа се огласи и манекенката Барбара Таталовиќ, поранешната девојка на Милош која ја поддржа Арина и изјави дека го препознава тоа што го кажува за актерот и дека се чувствува исто.
По изјавите на поранешните девојки, Милош се обрати преку својот профил на Инстаграм и испрати многу јасна порака до сите.
„Секогаш ќе ги почитувам девојките со кои сум бил во одреден момент од мојот живот и не сакам јавно да зборувам за интимноста. Кога љубовта или пријателството завршуваат, секој од партнерите може и генерално гледа поинаку на поминатото време. Мојот став кон тоа секогаш ќе биде ист. Како прво, сакам да го задржам достоинството и почитта дури и кога за мене изнесуваат невистини – напиша Милош, додавајќи:
„Секој има право јавниот простор да го користи како што смета дека е најсоодветно. – некој споделувајќи ја својата интима, некој своите професионални достигнувања. Тоа е прашање на личен избор, но и личен вкус. Исто како што постои причина зошто приватниот живот се нарекува „приватен живот“, постои и причина зошто поранешната љубов и односи се токму тоа – поранешни.
П.С. Мислам дека постојат многу поважни теми од општ интерес за кои би требало да се зборува.