Италијанското Министерство за здравство било критикувано откако нацрт-новиот план за пандемија во земјата открил дека на медицинските лица ќе им биде дозволено да изберат кои пациенти ќе добиваат нега која ќе им го спаси животот.
Ова е првпат Италија да го ажурира својот план за пандемии од 2006. година. Отсуството на соодветен план се верува дека придонел за смрт од над 79.000 лица од коронавирус во Италија, според британски Гардијан.
Нацрт-копија на планот за пандемија 2021-23. година предвидува дека, иако здравствените работници се должни да обезбедат најдобра и најсоодветна грижа за пациентите, постојат околности поради кои е потребно да се одреди кого треба да се обидат да со спасат.
На страницата 25 од планот стоело: „Дисбалансот помеѓу потребите и расположивите ресурси може да резултира од усвојување на критериуми за тријажа во пристапот до терапија“, па поради тоа „оскудните ресурси може да бидат доделени за да се обезбеди потребниот преференцијален третман на оние пациенти со најголема веројатност да имаат корист“, пренесува Гардијан.
ОД НИВ ЗАВИСИ: Италијанските лекари ќе можат да бираат кому да му пружаат помош
