Во интервју за Слободен печат братот на премиерот Зоран Заев, Вице, меѓудругото зборува за односот на премиерот кон Бугарија. Вице вели дека премиерот е многу толерантен.
– Брат ми е многу толерантен и премногу мек во однос на политичките случувања со Бугарија. Ми смета тоа што не реагира на многу провокации од источниот сосед. Знам дека и тој се согласува со моите ставови дека не треба да биде толку мек, но ја гледа големата слика, има информации повеќе од нас, и затоа води таква политика. А, со тоа како ја води политиката се согласувам целосно затоа што вродува со резултат. Со потезите што ги прави и со Грција и со Бугарија ја става на ризик и сопствената и семејната кариера, но храбар е и тоа треба да се цени, вели братот на премиерот Зоран Заев.
Тој во интервјуто зборува и за хуманитарната работа со која се занимава неговото семејство, коментрајќи некои наводи дека семејството давало поткуп од хуманитарна пакети во време на предизборна кампања.
-Вице Заев откри дека негови фирми се Тотал инженеринг и Тотал електрик додека останатите Ева стајл, Тргопродукт (мајка фирма на Мамас), Еленица, финансиско друштво Пеон, брокерско друштво Пеон, и неколку оранжерии ги раководат останатите членови на семејството. Во разговорот има личлни детали за семејството, Заев вели дека сака да пешачи а дека најголема желба му е неговите деца да останат во Македонија и да ги продолжат бизнисите.
-Сепак, нашата мајка секое утро плаче кога ги гледа утринските емисии и слуша се што зборуваат за Зоки. За не читам што пишуваат за мене и брат ми на социјалните мрежи, јас не користам социјални мрежи, – вели Вице Заев.