По компликации од коронавирус, вчeра почина познатиот музичар, пејач Васил Ангов.
За „Фокус” доктор Саше Олумчев од ЦЈЗ Гевгелија, појаснува дека Васил починал во приватна клиника во Скопје, а пред тоа се лекувал дома. Дури третиот тест, покажал дека е позитивен на вирусот. Музичарот имал хронична асма, а состојбата преку ноќ му се влошила. Откако неговата состојба се влошила, бил хоспитализиран.
-Се уште ги немаме официјално сите детали околу настанот, но ситуацијата е доста сериозна. Покрај Васил, уште две лица од Гевгелија синоќа ја изгубија битката со корона вирусот, и сите се отприлика на негова возраст. Лошо е, мора да се почитуваат мерките за заштита максимално. Поради некои кои грубо ги кршат мерките и не веруваат во вирусот, еве се случува луѓе кои се чувале, да заминат преку ноќ, – рекол Олумчев за Фокус.