Славната италијанска глумица Сандра Мило (87) се заклучила со катанци за оградата пред седиштето на италијанската влада во Рим, во знак на протест поради тоа што не била предвидена државна помош за самостојни уметници од светот на спектаклот.
Известен за протестот, глумицата ја примил премиерот Џузепе Конте, а според нејзините зборови, и ветил дека ќе разгледа што може да се направи за уметниците, кои се меѓу многубројните работници погодени од последиците на коронавирусот.
Мило по разговорот со премиерот, како што пренесуваат италијанските медиуми, била многу задоволна.
“Премиерот Конте е голем човек и хумана личност која сочувствува со другите. Сигурна сум дека ќе го одржи ветувањето”, рекла Мило, која и натаму е активна на сцената.
Инаку, Сандра Мило претходно од истите причини штрајкуваше со глад, но на апел на премиерот Конте истиот го прекинала.