Полицијата со детали за несреќата во која загина Буштур

МВР утрово ги соопшти деталите за несреќата во која почина легендата на македонската кошарка Благоја Георгиевски – Буштур.

Несреќата се случила околу 23 часот на бул.„Србија“, во близина на крстосницата со ул.„Христо Татарчев“.

“Возило „фолксваген кеди“, со скопски регистарски таблички, управувано од Б.Г.(70) од Скопје, удрило во бетонска жардињера. Во незгодата на местото на настанот починал возачот, се вели во соопштението.

Како што соопшти денеска МВР, извршен бил увид од увидна екипа од СВР Скопје и по наредба на Јавен обвинител телото на починатиот е предадено на обдукција.