Шведската глумица Ингер Нилсон (60) имаше само осум години кога ја доби улогата на Пипи Долгиот Чорап во истоимената серија. Актерката се прослави со оваа улога, но поради тогашните закони не добила хонорар. Токму поради тоа што Ингер не добила ни денар поради оваа улога, нејзините фанови започнале да собираат донации за актерката и нејзините филмски пријатели Аника и Томи. Досега се соберени вкупно 37 000 долари. Иако многумина очекувале актерката да биде пресреќна, сепак оваа идеја не и се допаднала.
„Прво бев многу лута бидејќи не сакам да бидам жртва и да молам за милостина. Кога се смирив, сфатив дека тоа е само еден знак на почитување и желба на фановите да ни покажат колку не ценат“ вели некогашната Пипи.
Ингер прва се најде во улогата на Пипи Долгиот Чорап во истоимената серија која беше снимена во далечната 1969 и 1970 година. Нејзиното вистинско име е Катрин Ингер Моника Нилсон, а родена е на 4 мај.
Живее во Стокхолм и работи како секретарка, а привремено знае да прифати и некоја улога театар. Последните години глуми во германската серија “Der Kommissar und das Meer”.
