Белгиската параолимпијка Марик Верворт почина во 40 година од животот по пат на еутаназија, што значеше крај на нејзините маки, Таа пред две години најави дека се одлучила за евтаназија и дека ќе се активира нејзината одлука во оној момент кога ќе стане неподносливо да живее. Верворт беше врзана за количка, а патеше од дегенеративно пореметување на ‘рбетот.
Таа на Параолимписките игри во Лондон 2012 година освои златен медал во трката со инвалидски колички на 100 метри, а сребра на 200 метри во 2012 и на 400 метри во Рио 2016 година, не можеше да ги издржи болките кои ги имаше од болеста на мускулите, имаше постојани напади и несоница.
Си-Ен-Ен пренесува дека нејзиниот роден град каде таа живееше соопштил дека Верворт ја активирала својата одлука за евтаназија во текот на вчерашниот ден.
Белгија е една од нЕколкуте држави во светот каде потпомогнатото умирање или така наречената евтаназија е легална.
