Холивудскиот глумец од српско потекло Џек Димиќ за првпат гостувал во Србија со монодрамата „Еј, животе“ и иако ја наполнил салата со публика, ова искуство нема да го памети по добро.
Во текот на претставата некој од гардеробата му ги украл сите пари, личните документи и мобилниот телефон. Актерот, кој оваа претстава ја одиграл и во Њујорк, Чикаго, Бостон и Лос Анџелес, бил крајно разочаран и иако планирал уште неколку репризи поради интересот на публиката, сега ништо од тоа нема да се случи.
Веднаш била повикана полиција, а актерот бил видно вознемирен што првпат настапува пред својот народ, но исто така првпат е и ограбен за време на настапот.
-Него не му е до парите. Беше воодушевен што по 30 години повторно настапува во Белград, а сега е во депресија. Најмногу му е криво за телефонот во кој имаше многу контакти – изјавила неговата пријателка Јелица Ковачевиќ.
Инаку, полицијата и понатаму ги бара сторителите на ова дело.
