Игор Џамбазов со фотографија поставен на својот Инстаграм профил се потсети на старите времиња кога тој заедно со татко му Александар го купувале култниот “Старт“. Како што тој вели во извадокот од неговата книга “Облечен човек“, и стариот Џамбаз “плакнел“ очи со средните страни на “ Старт“ каде секогаш имаше фотографии со разголени девојки.
– „Старт“ се трудеше да биде некаква реплика на тогаш најпознатиот, а за нас сè уште недостижен „Плејбој“. Успеав да го убедам татко ми Џамбаз да го купуваме. Тој уживаше во интервјуата, патописните репортажи и фељтоните, а јас во насловната и средните страници. Не велам дека и јас понекогаш не го читав остатокот од „Старт“, како што сум сигурен дека и тој ги плакнеше своите очи со брадавичките и „венерините брегови“ на натртените и заводливо насмеаните другарки – напиша Игор под фотографијата.