Д-р Ели Андонова
сопственик на ПЗУ Дорабела естетик
Насмевката е огледало на лицето и прво нешто што се забележува кај личноста. При изразување на емоции на радост, среќа, хумор, задоволство, таа е глевен фактор за естетика и украс на лицето. Атрактивната насмевка секогаш делува позитивно и го зголемува убавиот впечаток за личноста. Генерално убавината на насмевката е одредена од многу фактори. Иако особено значајни за нејзината убавина се: присуството на забите, нивната боја, облик и позиција, огромен удел има и видливоста на непцето (гингивата).
Кога зборуваме за видливоста на непцето(гингивата) зборуваме за розева естетика, која е значајна компонента на секоја насмевка, особено кога станува збор за луѓе со широка насмевка. Сите ние сме различни и при насмевнување даваме различна видливост на забите и непцето. Според таа видливост насмевката може да биде:
- Насмевка со многу висока линија на осмев. Кај таквите луѓе покрај тоа што забите се целосно видливи при насмевнување се откриваат и повеќе од 2мм од гингивата. Ваквата насмевка е помалку естетска.
- Насмевка со висока линија на осмев. Видливоста на забите е целосна и се гледа околу 2мм од гингивата. И оваа насмевка е помалку естетска.
- Насмевка со средна линија на осмев. Тука генерално видливост имаат само забите и можеби сосема мал дел од гингивата. Во овој случај станува збор за насмевка со висока естетика.
- Насмевка со мала линија на осмев. При природно насмевнување, пациентот има помала видливост на забите, а непцата воопсшто не се видливи.
Современата стоматологија нуди решенија за виквиот проблем. Кај пациентите со насмевка тип 1 И 2 ( насмевка со многу висока линија на осмев и висока линија на осмев) каде видливоста на непцата е изразена, а при тоа пациентот нема долги заби, најчесто се решава со орално хируршки зафат. Овој зафат подразбира засекување на непцата и отварање на забната коронка.
Зафатот се изведива со скалпел или ласерски и ординациски се решава во само една сеанса. Но оваа техника е одлична кај индивидуи кои немаат долга клиничка коронка туку имаат проблем со кратки или мали заби, и не е индицирана кај секого. Резултатите се инстантни, убави, а самодовербата на пациентите се подобрува во иститот момент по интервенцијата. Кај посериозна видливост на непцата потребна е покомплицирана хируршка процедува. Вашиот стоматолог треба да одлучи и да процени колку сте индицирани за процедурата.
Во поново време високата видливост на непцата се решава и со апликација на ботокс во мускулот кој е поткревач (елеватор на горната усна). На тој нацин при насмевнување ограничено е подигнувањето на устата, а со тоа и се намалува видливоста на непцето (гингивата).
Современата стоматологија нуди многу можности за подобрување на естетскиот изглед кои не секогаш бараат многу финансии и захтевни процедури. Доколку имате краки заби, мала коронка, препокриеност на забите со непце, консултирајте се со вашиот стоматолог за нивно едноставно подобрување.