21
Поранешниот директор на „Државна лотарија“ Перпарим Бајрами, кој повеќе од една година беше недостапен за органите на прогонот, утринава се предал и е лишен од слобода. По Бајрами била распишана мерка „апси“ по барање на СМПС – Одделение за потраги, согласно член 354 став 5 од Кривичниот законик.
За случајот, во тек е судење, а Обвинителството пред два дена предложи да му се суди во отсуство, бидејќи не беше достапен за органите на прогонот.
Неговото предавање доаѓа откако Бајрами беше во бегство, а по него беше распишана и меѓународна потерница. Тој беше баран заедно со поранешниот прв вицепремиер и министер за политички систем, Артан Груби, во рамки на истрагата за сомнежи за незаконитости поврзани со „Лотарија“.