Нови цени на горивата од полноќ

Регулаторната комисија за енергетика (РКЕ) донесе нова одлука за малопродажните цени на нафтените деривати, која ќе стапи во сила од 16 јуни 2026 година, од 00:01 часот.

Во однос на досегашните цени, бензинот ЕУРОСУПЕР БС-95 поскапува за 1,50 денари за литар, додека ЕУРОСУПЕР БС-98 ќе биде поскап за 2,00 денари за литар. Дизел-горивото ќе се продава по цена повисока за 0,50 денари за литар.

Од друга страна, екстра лесното масло за домаќинство поевтинува за 2,50 денари за литар, а цената на мазутот се намалува за 1,074 денари по килограм и ќе изнесува 46,223 денари.

Согласно новата одлука, максималните цени на нафтените деривати ќе изнесуваат:

• ЕУРОСУПЕР БС-95 – 87,50 денари за литар
• ЕУРОСУПЕР БС-98 – 90,00 денари за литар
• ЕУРОДИЗЕЛ БС (Д-Е V) – 87,50 денари за литар
• Екстра лесно масло за домаќинство (ЕЛ-1) – 86,50 денари за литар
• Мазут М-1 НС – 46,223 денари за килограм