Џенифер Лопез објави серија фотографии од теретана на социјалните мрежи на кои позира во спортска облека. 56-годишната пејачка и актерка позираше во бел ребрест краток топ, црн спортски градник, хеланки со низок струк и бели патики.
Објавата, која ја сподели со голем број следбеници, ја придружи со пораката: „Стани и фати се за работа!“
Нејзината долгогодишна тренерка Трејси Андерсон исто така реагираше на нејзиниот изглед, коментирајќи кратко: „Какви стомачни мускули!!!“
Коментарот само ја потврди реакцијата на фановите – дека Џеј Ло и на 56 години има тело на кое би ѝ позавиделе многу помлади жени. Но, она што најмногу инспирира кај неа не е само изгледот, туку континуитетот. Таа со години ја гради истата слика: жена која работи, вежба, танцува, настапува, создава и не дозволува годините да ѝ бидат изговор.