Вицепремиерот и министер за односи меѓу заедниците, Иван Стоилковиќ, на својот фејсбук-профил објави видео од канцеларија во Министерството со кое раководи, за која тврди дека ја користеле неодамна отпуштените службеници поврзани со Демократската унија за интеграција (ДУИ).
Стоилковиќ во описот на видеото наведува дека така изгледала канцеларијата што ја оставиле отпуштените службеници. На снимката се гледа канцелариски мебел, но и душеци кои личат на импровизирани кревети, како и апарати за приготвување чај и тост-сендвичи.
„Ова е канцеларија во Министерството за односи меѓу заедниците, инаку претворена во ова што гледате, во која ‘работеа’ вчера отпуштените службеници, кои, по некоја случајност, се од ДУИ. По документирање на состојбата, истите се испратени да си спијат дома. Толку“, напиша Стоилковиќ на Фејсбук.
https://www.facebook.com/reel/3761160164188112