Пејачката Марија Де Ла Роса, позната како ДЕЛАРОСА, беше убиена во пукотница во Лос Анџелес, во населбата Нортриџ, рано наутро во саботата. Имаше само 22 години.
Двајца непознати напаѓачи пукаа во патниците во паркиран автомобил. Пејачката почина, а две лица беа тешко повредени. Полицијата го истражува мотивот, а се шпекулира дека станува збор за конфликт меѓу улична банда, објавува Дејли Меил.
Сведоци им опишаа на полицајците двајца мажи кои се приближиле до автомобилот и испукале неколку куршуми кон жртвите, и иако службите за итни случаи брзо реагирале и ја пренеле пејачката во блиската медицинска установа, лекарите за жал не можеле да ѝ го спасат животот. Детективите моментално ја пребаруваат пошироката област на местото на злосторството за докази, но полицијата сè уште официјално не потврдила дали нападот бил целен, случаен или дел од поширок подземен конфликт.
Родена во Порторико во 2003 година, Марија Де Ла Роса ја сака музиката уште од дете. Почнала да пее фристајл, да рапува и да снима преработки, а подоцна пишувала и свои песни. Своите први сериозни чекори во музиката ги направи во 2019 година под името De La Rose, настапувајќи на социјалните медиуми и музичките платформи, стекнувајќи мала, но лојална публика.
ДЕЛАРОСА беше млада ѕвезда на латино музичката сцена со над 40.000 следбеници на Инстаграм. Таа штотуку ја започнуваше својата музичка кариера, а обожавателите и колегите ја изразуваат својата тага и почит кон неа.