По разводот фатена со ново момче? Кој е 12 години помладиот партнер со кој ужива Џесика Алба (ФОТО)

31

По разводот од Кеш Ворен, холивудската ѕвезда Џесика Алба повторно е во центарот на вниманието – и тоа поради нова романса. Откако беше забележана во интимно друштво на аеродромот во Канкун со „мистериозен“ маж, американските медиуми открија за кого станува збор: актерот Дени Рамирез кој 12 години помлад од неа.

Рамирез е познат по улогите во блокбастерите „Капетан Америка: Храбар нов свет“, „Топ Ган: Маверик“ и серијата „Последниот од нас“. Гласините за нивната врска почнаа уште во мај, кога беа фотографирани како шетаат низ Лондон, но идентитетот на Рамирез остана нејасен – сè до сега.

Алба и Ворен го финализираа разводот во февруари, по 17 години брак. И покрај разделбата, актерката истакна дека остануваат семејство и дека децата Онор, Хејвен и Хејс се нивен заеднички приоритет.

Двајцата побараа заедничко старателство, а нивната разделба помина мирно и достоинствено.Актерката претходно призна дека бракот со Ворен станал како цимерска врска, што на крајот довело до нивната одлука за разделба.

Сега, со нова љубов во животот, се чини дека Џесика Алба повторно блеска – и овојпат во друштво на една од ѕвездите во подем во Холивуд.