Андреја Ѓорѓиески, познат како Андреј од ДНК, го жртвуваше својот живот за да спаси други деца кои беа на нивниот настап во дискотеката во Кочани, кога се случи трагичниот пожар во кој загинаа 59 лица, а повеќе од 100 беа повредени. Изјавите на очевидци велат дека тој успеал да излезе од дискотеката кога се случил пожарот, но се вратил за да помогне и така починал.
Зад себе, Андреј ги остави сопругата Наталија, со која скоро 10 години беше во брак и ќеркичката Јана (родена на 29 ноември 2015).
Наталија Ѓорѓиеска вчера сподели дел од разговор со нејзината ќеркичка која е полна со емоции, но и со порака за тага за прераната загуба на таткото.
