Финансиски работник од Велика Британија украл 90.000 евра од сметка на мртов клиент за да го финансира скапиот начин на живот, но бил фатен благодарение на објавите на неговата девојка на социјалните мрежи.
Кори Казагранде (37) со украдените пари ја плаќал својата зависност од коцкање и скапите одмори со кои неговата девојка се пофалила на социјалните мрежи.
Таткото на три деца работел како лидер на тимот во Target Financial Services, која обезбедува низа услуги на големи имиња како што се BBC, Barclays и Credit Suisse.
За време на внатрешната истрага бил проверен и профилот на Фејсбук на неговата девојка Џема Конор, која исто така работела во компанијата.
На судот му било кажано дека таа е осомничена дека потрошила големи суми пари и дека живеела раскошен начин на живот.
Таа објавила фотографии од скапи одмори и дизајнерски чевли, пренесува Daily Mail.
Судот слушнал дека Казагранде имал „софистицирано“ разбирање за внатрешните системи на компанијата и користел лажни документи од вистински адвокати за да краде пари од мртви клиенти.
Откриено е дека 75.000 фунти (90.000 евра) биле земени од три различни сметки што им припаѓале на починати клиенти на Credit Suisse.
Казагранде се изјаснил за виновен за измама за прекршоци што се случиле во 2020 година.
Нему му е изречена условна казна од 20 месеци и му е наредено да заврши 80 часа неплатена работа.