КОВАЧЕВСКИ: Вучиќ ќе се извини лично ако Србија навредила некој македонски граѓанин

Откако српскиот министер за одбрана изјави дека на Македонија ќе и се удри од глава признавањето на Косово, па реагираше македонскиот министер за надворешни работи, Бујар Османи кој побара појаснување на оваа изјава, премиерот Димитар Ковачевски и српскиот претседател Александар Вучиќ од Атина ја смируваат ситуацијата.

– Вечерва разговаравме со српскиот претседател Вучиќ во Атина. Ме увери дека како претставник на српската држава, тој ги смета македонскиот народ и македонската држава за исклучително пријателски и дека доколку некој македонски граѓанин е навреден од било која порака од српската држава, тој лично ќе се извини, напиша Ковачевски на Фејсбук.

Истата фотографија ја објави и Вучиќ, а под неа пишува:

– Србија и Македонија се навистина пријателски земји. Ако ме прашаш мене, брат. Недоразбирање меѓу нас нема и не смее да има. Ништо не бараме од нашите браќа, единствено што нудиме е искрено пријателство.