Дечкото на Валентина Треспаласиос, инаку позната диџејка од Колумбија, е уапсен на аеродромот откако нејзиното тело било пронајдено распарчено во куфер – полицијата го обвинува за варварско убиство.
Телото на Валентина Треспаласиос во сина торба го открил бездомник, а нејзиното момче набрзо било уапсено на аеродромот во соседна земја. Злосторството се случило во Колумбија.
Жртвата имала само 23 години. Таа беше познат локален диџеј. Девојката била задавена до смрт и распарчена пред да биде ставена во куфер и фрлена во канта во Богота.
Џон Полуос, наводно, побегнал од земјата во Панама, каде што бил уапсен додека се обидувал да се качи на лет за друга земја – за која се верува дека е Истанбул, Турција. Тој беше единаесет години постар од неа.
Двојката се запознала осум месеци претходно на музички настан.
Наводно живееле заедно и планирале раскошна свадба.
Два дена пред смртта, Валентина и испратила на својата мајка Лаура видео на кое се гледа како таа и нејзиното момче добро се забавуваат.
Полуос чека во притвор каде ќе му се суди за фемицид.
