Италијанските карабинери го уапсија најбараниот мафијашки бос на Апенините, Матео Месина Денаро, пренесе Ројтерс денешното пишување на италијанската новинска агенција АНСА.
Месина Денаро важи за шеф на сицилијанската Коза ностра и е во бегство од 1993 година.
Денаро, со прекар Дијаболик, е уапсен во приватна клиника во Палермо. Полицијата долго време се обидуваше да го фати, а покрај тоа што беше најбараниот во Италија, тој беше и меѓу 10-те најбарани криминалци во светот.
