На денешната финален натпревар со унгарскиот Веспрем, за Вардар својот последен натпревар ќе го одигра хрватскиот репрезентативец Игор Карачиќ. Тој три дена имаше температура, на вчерашниот натпревар се пожали на болка во ногата, а додека играл, имал и грчеви. Сепак, Карачиќ ќе стисне заби и вечерва ќе се појави на теренот во „Ланксес“ арената. Tој од наредната сезона ќе настапува за полската екипа на Келце.
За Веспрем се пријавени Арпад Штербик и Ласло Наѓ, кои вчера исто така предвреме го завршија дуелот со Келце.
СОСТАВИ:
Вардар: Милосављев, Гедбан, Стоилов, Кристопанс, Поповски, Фереира, Дисингер, Карачиќ, Скубе, Калараш, Чупиќ, Дибиров, Горбок, Шишкарев, Војводиќ, Кисељев.
Веспрем: Благотиншек, Гајиќ, Илиќ, Лекаи, Мачковшек, Мае, Манасков, Маргуч, Миклер, Наѓ, Ненадиќ, Нилсон, Штербик, Штрлек, Терзиќ, Тонесен.
Натпреварот започнува во 18 часот, а судиска правда ќе делат Ларс Гејпел и Маркус Хелбиг од Германија.
( Фото: ЕПА, Ѓорѓи Личоски)