На видео конференцијата на лидерите на Грција, Бугарија, Србија и Романија, грчкиот премиер Кирјакос Мицотакис на основа на одлуката на Европската комисија најави нов пакет мерки за поддршка на компаниите. Така, една од мерките е намалување на Данокот на додадена вредност (ДДВ) во угостителските услуги и во хотелското сместување. Тоа значи намалување на данокот на превоз, храна и пијалоци од 24 на 13 проценти, како и помош на компаниите се со цел да ги задржат вработените.
Министерката за туризам на Бугарија, Николина Ангелкова е уверен дека оваа сезона услугите на бугарските плажи ќе бидат многу поевтини.
-Засега 15 плажи нудат бесплатни лежалки и чадори за сонце. Цените на останатите услуги ќе се намалат најмалку за 50 отсто. Главна цел ни е да ги привлечеме туристите да летуваат на Црно море – изјавила Ангелкова која најави дека цените на сите туристички понуди мораат да бидат предложени најкасно до 25. мај.