Максимално провокативните стајлинзи се светски моден тренд и бројни познати личности го прифатија овој тренд – некои од нив прилично ја изненадија јавноста како актерката Оливија Вајлд која неодамна ги откри голите гради на ревија во Париз.
Ново модно издание во тој популарен стил беше забележано и вчера во француската престолнина, на ревијата на модната куќа „Saint Laurent“.
Тоа издание го носела ќерката на Мадона и Карлос Леон, Лурдес Марија Чиконе Леон. Таа се појавила во костим кој буквално се носи од глава до пети, потполно е проѕирен, а познатата наследничка не носела градник под истиот. Лурдес го покажала тоа „дискретно“ со соблекување на капутот на едното рамо, а за провокативноста на стајлингот придонел и минијатурната долна облека, која ќерката на славната пејачка ја носела високо подигната на колковите.
Лурдес позирала без срам пред фотографите, а со оглед на нејзините претходни модни изданија, било забележливо дека не ги следи толку многу трендовите, дури и им се спротивставува. Но, голотијата како стил стана толку популарна на светската сцена што не нè чуди што и ќерката на Мадона ја следи таа насока. Покрај тоа, таквиот провокативен начин на облекување одговара со нејзиниот моден вкус.
