Изминатиот викенд, во Париз се одржа балот Le Bal des Débutantes.
На аристократскиот настан дебитираше и 20-годишната ќерка на Крис Мартин и Гвинет Палтроу. Епл Мартин изгледаше прекрасно во нежна сина креација од Валентино изработувана 750 часа, додека танцуваше со фронтменот на групата Coldplay.
Видеото од нивниот танц стана хит на социјалните мрежи и многумина ја нарекоа Епл „среќничка“, а Крис „вистински џентлмен“ и „неверојатен татко“.
На настанот, кој се одржува секоја година, се поканети млади жени и мажи од најбогатите семејства од Европа, Азија, Африка и САД. Секоја девојка има партнер „кавалер“ со кого танцува пред да помине време со своите родители.