Џо Флавил (19) имал сообраќајна несреќа во март минатата година. Паднал во кома. Се разбудил по 11 месеци, но не знаел дека светот го зафатила пандемија, ниту знаел што е тоа корона, а ја прележал два пати додека бил во кома, пренесува “Mirror”.
“Џо сега е во добра состојба. Сепак, не сме сигурни колку е свесен за ситуацијата со која целиот свет се соочува. Неговата несреќа се случи пред локдаунот, а тој како да ја преспа”, рекла неговата стрина Сели Флавил Смит.
Џо имал несреќа пред првиот локдаун кој во Велика Британија се случил на 23-ти март 2020-та година. Од тогаш е во кома во болницата Лестер Џенерал, каде можела да го посетува само неговата мајка Шерон Присли. Пред несреќата бил здраво и весело момче и се занимавал со хокеј. Џо одлично закрепнува и набрзо би можел да застане на нозе. Голема желба му е да патува низ светот.
Додека тој не стане на нозе, наместо него низ светот патуваат неговото семејство и пријателите. Повеќе од 100 луѓе секој ден возат велосипед, одат и трчаат за да достигнал број на километри кои се потребни да се пропатува целиот свет.
Покрај овој убав гест, неговото семејство направило веб страна посветена на неговото патување околу светот и страница на која се собираат потребните средства за неговото лечење.
Џо малку ќе почека за патувањето околу светот. Барем додека не објаснат што е коронавирус и во каква состојба бил светот додека тој бил во кома.
