Поранешната пејачка на поп-денс групата Eurythmics, Ени Ленокс потврди дека не е роб на стандардите за убавина.
Кон крајот на минатата година таа го прославила 67-от роденден, а сега на Инстаграм објавила селфи фотографија како одговор на Џејсон Струмер кој прашал „која е таа?“.
„Поздрав Џејсон Струмер! (дали сте роднина со покојниот, голем Џоем?). Очигледно дека сте создале тренд на Твитер со свое прашање „која е таа личност“… ОВАА личност!!! Значи, ја гледате разликата меѓу камуфлирани личности и билки? Аха! Создаваме уште една бура на Твитер, сакаш ли? Стареам, но сè уште дивеам. Благослов и љубов“, напишала славната пејачка.
Струмер пред неколку денови објавил фотографија од пејачката и ги прашал следбениците дали знаат кој е на фотографијата без да пребаруваат на интернет. Многумина без проблем ја препознале поранешната пејачка на „Eurythmics“.
Но, постојат и лица кои не слушнале за неа. Пред четири години Ленокс објавила пораки од радио водителка која, мислејќи дека станува збор за анонимна пејачка ѝ понудила да ја промовира.
„Драга Ени Ленокс. Стигнав до вашата музика онлајн и многу ми се допаѓа тоа што го слушнав. Наоѓам пејачи кои имаат потенцијал нивните песни да ги пуштаме на нашата радиостаница. Доколку сте заинтересирани, ве молиме да ни испратите mp3 од вашиот последен сингл. Ќе му го испратам на Глен, нашиот директор на програма, па ќе видиме дали е заинтересиран да ја пуштиме песната на радио.
Исто така сакам да ве прашам каква маркетинг кампања имате? Прашувам поради тоа што соработуваме со фирма која бесплатно ќе ве промовира на над 150 светски радиостаници. Поздрав, Кајли“, пишувало во пораката покрај песната на пејачката која во текот на кариерата продала над 75 милиони албуми.
