Возачот во прилепската Брза помош, Гоце Илиески (42)за кого Македонија собираше донации за лекување, ја загуби биитката со коронавирусот. Со ковид- 19 тој се зарази на работното место, спасувајќи животи. Во тешка состојба беше хоспитализиран на една од приватните клиники, а по апелот на социјалните мрежи, масовно се собираа средства за негово лекување.
На осми март почина мајката на Гоце, но најблиските одбиваа да му ја кажат лошата вест бидејќи и самиот беше во критична состојба. Ја имал само неа, бидејќи татко му починал во 2007 година.
И синот на Илиески, Филип (12), беше хоспитализиран во клининиката Козле, но после долго боледување е подобар, неодамна информираа блиски пријатели на семејството.
Инаку, Гоце Илиески беше сопруг и татко на две малолетни деца.
