Она што долго се шпекулираше во светските спортски медиуми денеска доби потврда. Прогнозите се остварија легендарниот шпански тенисер Рафаел Надал ги пропушта Ролан Гарос и Вимблдон, и навести крај на кариерата
кариерата организираше прес-конференција на која присуствуваше целото негово семејство и најави повеќемесечна пауза од тенисот.
Еден од најдобрите светски тенисери во истријата, трофејниот Шпанец, Рафаел Надал денеска одржа прес конференција , а главна причина за неговото обраќање беше највата за отсуство од неговиот најомилен Грен слем- Ролан Гарос во Париз.
– Нема да можам да играм на Ролан Гарос. Работев колку што можев, но не можев да најдам решение за проблемот – изјави Надал и додаде: – Морам да паузирам некое време. Не знам кога ќе можам да тренирам. Не сакам да ја предвидувам иднината – додаде шпанскиот тенисер. Надал четиринаесет пати во кариерата го освои Ролан Гарос и е апсолутен рекордер.
Со ови изјави на пресот Надал само ги потврди медиумските шпекулации дека нема да игра на следните Грен слем турнири поради повреда.
Надал додаде дека ќе го пропушти и Вимблдон кој ќе се игра во јули. Тоа доаѓа како своевидно изненадување и доказ дека повредата е сериозна.
На прес-конференцијата Шпанецот посочи дека 2024 година може да биде последната година во која ќе игра тенис.
– Има големи шанси 2024 година да биде мојата последна година на турнејата. Мојата мотивација е да се обидам да уживам и да се збогувам со сите турнири кои ми беа важни – изјави трофејниот Рафа.