Вооружени припадници на Хамас наводно и ја пресекле главата на Шани Лук (22) откако ја киднапирале од музичкиот фестивал.
Младата тату-уметница, потсетуваме, беше киднапирана на 7-ми октомври од фестивалот Нова во близина на реми. Повеќе од три недели семејството Лук молеше девојката со германско-израелско потекло да биде спасена од терористите.
Израелскиот претседател Исак Херцог, денеска откри дека девојката била убиена и потоа и била пресечена главата. Потресните детали биле откриени само неколку часа откако се покажало дека израелските службеници пронашле делови од нејзиното тело.
„Навистина ми е жал што морам да известам дека добивме вест дека е потврдено дека Шани Никол Лук е убиена. Пронајдена е нејзината глава. Тоа значи дека и ја пресекле главата додека убивале и напаѓале Израелци. Тоа е голема трагедија и изразувам најдлабоко сочувство до нејзиното семејство“, рекол Херцог за германски „Bild“.
Семејството Лук беспомошно чекало вести дека нивната ќерка го преживеала нападот на Хамас и дека терористите би можеле да ја ослободат. Мајката и сестрата порано денеска, меѓутоа, со скршено срце ја објавиле веста од која се плашеле.
„Вчера добив вест дека мојата ќерка повеќе не е жива“, рекла мајката Рикарда за „RTL“
Сестра на Шани, Ади, се огласила на Инстаграм и напишала дека уметницата е мртва.
Еден роднина за „Jerusalem Post“ изјавил дека Израелските одбранбени сили пронашле коска од череп, а ДНК анализата се поклопила со таа на Шани.
Се верува дека милитантите во нападот го фатиле и нејзиното момче, мексиканскиот државјанин Орион Ернандес Родоукс.
Семејството ја осудило германската влада бидејќи ги игнорирала нејзините молби за помош откако им било кажано дека таа е жива во Газа.
