Полициски хеликоптер се превртел околу 11 часот на пистата на скопскиот аеродром објави Телма.
Хеликоптерот по слетувањето се превртел најверојатно поради силните налети на ветрот. Екипажот и пилотите кои биле внатре во превртениот хеликоптер се во добра состојба, а еден од нив имал повреди, велат за Телма од МВР.
Хеликоптерот претходно бил на лет во рамки на тренажен процес, односно за обука на екипажот. По слетувањето на платформа во аеродромскиот дел се превртел на пистата. На лице место увид вршат припадници на полицијата, а истрагата ја води комисијата за испитување на сериозни воздухопловни инциденти.