Рускиот милијардер Вичеслав Таран загина во хеликоптерска несреќа која се случи на југоистокот на Франција, откако претходно полета од Лозана, Швајцарија.
Како што објави британски „Сан“, освен 53-годишниот милијардер, во хеликоптерската несреќа загинал и 35-годишниот француски пилот.
Мистериозно е тоа што требало да има уште еден патник во хеликоптерот ЕЦ130, но сепак поради непознати причини се откажал од летот и неговиот идентитет не се открива.
Заменик-јавниот обвинител во Ница го посети местото на несреќата и рече дека не може да ја исклучи вината на „трето лице“.
Инаку, Таран е основач на трговската и инвестициската платформа Либертек и Форек клуб, а според некои информации бил близок до руските разузнавачки служби.
Сепак, тој наводно имал врски со странските разузнавачки служби на Русија.
Украинската новинска агенција UNIAN го опиша како „милијардер крипто-бизнисмен“, обвинувајќи го дека е одговорен за „перење руски средства преку системот на операции со криптовалути“.
