ТРАГЕДИЈА: Пет лица загинаа во сообраќајка во Драчево

Ноќеска пред влезот на скопската населба Драчево, се случи тешка сообраќајна несреќа, во која според првичните неофицијални информации на лице место загинале три лица, а две лица со тешки повреди подоцна починале во скопските клиники.

До несреќата дошло кога мал автомобил Рено 5 во се уште неутврдени околности директно се судрил со камион за собирање на смет кој веројатно се движел кон депонијата Дрисла. Според неофицијалните информации една од жртвите е девојче. Очевидци изјавуваат дека реното се движело со преголема брзина и изгубило контрола и удрило во камионот за смет.

Полицијата најавува детали за несреќа во текот на денешниот ден.