Холивудската глумица Кели Престон, сопруга на Џон Траволта, почина на 57-годишна возраст.
„Навистина ми е тешко да ве информирам дека мојата убава жена Кели ја изгуби нејзината 2-годишна битка со ракот на града. Таа се бореше храбро со љубов и поддршка од многумина. Нејзината љубов и живот ќе останат запаметени“, се огласи Траволта.
Кели Престон и Џон Траволта кои се приврзаници на црквата на скиентологијата, се родители на ќерката Ела (20) и 9-годишниот син Бенџамин. Синот Џет почина на 16 годишна возраст во јануари 2009 година од неизлечива болест.
На новогодишната ноќ 1991 година, Траволта и предложи брак во ресторанот на Палас хотел во Гштаад, Швајцарија, со шест-каратно жолто-бел дијамантски прстен. Кога се венчаа на 5 септември 1991 година, Престон беше два месеци бремена со нивниот син Џет.
Инаку, Кели Престон е родена во Хонолулу, Хаваи, студирала глума на Универзитетот во Јужна Калифорнија и ја започна својата кариера во 1985 година со својата прва голема филмска улога во „Mischief“ по неколку ситни улоги во телевизиските емисии, вклучувајќи ги „For Love and Honor“.