Кевин Наскименто Буено (23), познат како МЦ Кевин, загина во трагичен инцидент во хотел во близина на плажата во Рио де Жанеиро на 16 мај годинава.
Бразилскиот пејач загинал откако несреќно паднал од петтиот кат во хотелска соба, само две недели откако се ожени со својата долгогодишна девојка.
Медиумите јавуваат дека брзата помош и пожарникарите веднаш се појавиле на самото место, како и дека Кевин бил пренесен во болница во критична состојба, каде починал.
Трагедијата се случила две недели по венчавката на пејачот со Деолен Безера, долгогодишна девојка, која била присутна на неговиот последен концерт, што го одржал во саботата.
По неговата смрт Деолен на Инстаграм објавила заедничка фотографија од венчавката.
– Ти си и секогаш ќе бидеш љубовта на мојот живот, најубава љубов која сум ја имала некогаш, човек кој најмногу ме сакаше и ми се воодушевуваше. Оди со Господ мое детенце, секогаш ќе те сакам, – напишала таа.
