Русите почнаа масовно да ја напуштаат земјата откако Владимир Путин вчера најави мобилизација. Авио-билетите за дестинации за кои не е потребна виза се распродадени, а останатите, пишуваат медиумите, се достапни дури за петок, по цена од илјада евра па нагоре.
Илјадници руски граѓани бегаат од земјата поради најавената мобилизација. Бескрајна колона била формирана на руско-грузискиот граничен премин Верхњиј Ларс.
Границите на Грузија се уште се отворени, но, како што пренесуваат медиумите, на некои воено способни мажи им е забранет влезот во земјата.
Во исто време, бројот на Руси кои се обидуваат да влезат во Финска расте од час во час. Тоа е единствената граница која сè уште е отворена за руските цивили со шенген визи, кои се обидуваат да ја напуштат земјата.
Thousands of vehicles have pilled up at the Russian-Georgian border checkpoint in Verkhnii Lars as Russian citizens are trying to flee the country. pic.twitter.com/QDweH0Kpgv
— CaucasusWarReport (@Caucasuswar) September 21, 2022
Инаку, балтичките членки на Европската унија, Летонија, Литванија и Естонија, кои граничат со Русија, веќе најавија дека нема да понудат засолниште на ниту еден Русин кој бега од мобилизација во Русија.
За масовните егзодус на Русите пишува и „FlightRadar“, позната веб-страница која се занимава со следење летови. Тие објавија кратко видео на кое се гледа воздушниот сообраќај од Москва и Санкт Петербург направен вчера изутрина. Од видеото се гледа дека сообраќајот е зголемен, а најголем дел од летовите завршиле во Турција.
#Breaking: just in – The traffic jam at the border with #Russia/#Finland has pilled up to 35KM and is rising by the hour, it is the only border who is still open for Russian civilians with shengen visas, after #Putin announced he will send 300.000 new troops to #Ukraine. pic.twitter.com/EOJ1346qDO
— Sotiri Dimpinoudis (@sotiridi) September 21, 2022